మహిళల భద్రతపై ప్రజలలో భద్రతా అంశాలపై అవగాహన
Famous TV - క్రైమ్ వార్తలు / అన్నమయ్య ( రాయచోటి ) : చౌడేపల్లి అన్నమయ్య జిల్లా ఎస్పీ దిరాజ్ కునుబిల్లి ఆదేశాల మేరకు చౌడేపల్లి మండలం శికారిపాళ్యం లో మహిళల భద్రతపై శక్తి టీం మరియు చౌడేపల్లి పోలీసులు ప్రత్యేక అవగాహన సమావేశం నిర్వహించారు.ఈ కార్యక్రమానికి ప్రజలు హాజరై మహిళల భద్రతకు సంబంధించిన పలు ముఖ్య అంశాలపై అవగాహన పొందారు.ఈ సమావేశంలో ముఖ్యంగా రహదారి భద్రత,డ్రగ్స్ నివారణ,సైబర్ నేరాల పట్ల అప్రమత్తత,మహిళల భద్రతకు సంబంధించిన జాగ్రత్తలపై పోలీసు అధికారులు సమగ్రంగా వివరించారు.సామాజిక మాధ్యమాలు,ఫోన్ కాల్స్,ఆన్లైన్ లావాదేవీల ద్వారా జరుగుతున్న మోసాల పట్ల అప్రమత్తంగా ఉండాల్సిన అవసరాన్ని హాజరైన వారికి తెలియజేశారు.అదేవిధంగా,మహిళలు ఎలాంటి ఆపద పరిస్థితులు ఎదురైనప్పటికీ భయపడకుండా వెంటనే స్పందించి సంబంధిత పోలీసు అధికారులను సంప్రదించాల్సిన విధానం గురించి వివరించారు.అత్యవసర పరిస్థితుల్లో ఉపయోగించాల్సిన టోల్ఫ్రీ నంబర్లు,పోలీసు సహాయ సేవల వివరాలను కూడా సమావేశంలో తెలియజేశారు.మహిళల భద్రత ప్రతి ఒక్కరి సామాజిక బాధ్యత అని,అప్రమత్తతతో వ్యవహరించడం ద్వారా అనేక నేరాలను ముందుగానే నివారించవచ్చని అధికారులు సూచించారు.ప్రజలు కూడా బాధ్యతాయుతంగా వ్యవహరించాలని కోరారు.ఈ కార్యక్రమంలో చౌడేపల్లి సబ్ ఇన్ స్పెక్టర్ చిన్న రెడ్డప్ప,శక్తి టీం సిబ్బంది మునికుమార్ నాయక్,మణికంఠ,వీణ మరియు చౌడేపల్లి పోలీస్ సిబ్బంది పాల్గొన్నారు.
Admin
Famous TV
మరిన్ని వార్తలు
Developed By :
